Page 523 - San martín del Rey Aurelio

Quién ye ‘l que siendo d’equí nun organiza ’l so Agostu, les vaca-
ciones y el trabayu, y los díes de descansu pa nun faltar a la cita nel
prau la fiesta cada añu… pa volvese llocu dándo brincos al son de les
orquestes… pa volver a abrazase cola xente qu’ en munchos casos ya
fai un añu que nun ve, y falen y ríense como si solo fixera 2 díes del
ultimu alcuentru … y disfruten como neños y pónse-yos el pelleyu de
pita al acordáse d’ otros años”.

Y si la fiesta ye mundial el Llunes del Pote… ye lo másimo!! tanto… que yo
falté un añu y escapábenseme les llágrimes sabiendo que nun taba onde
quería tar y más… cuando mio tiu Pedro llámame pa dicime que perdí
l’añu más guapu.

Por eso dixi siempre que: El Martes del Pote teníen que declarálu Fiesta
Nacional!!… y si dalgún Ministru tien dulda que venga él… que palpe esi
ambiente y que me diga si a un Llunes d’ El Pote, se pué faltar!!

Así ye qu’ esi día cuando acaba la Orquesta tamos toos eufóricos y a la
vez muertos de pena!! porque nun queremos que s’ acabe lo que ya finó,
y si por nosotros fuera toi seguru que nesi mesmu momentu pegaríemos
un saltu nel tiempu pa volver a vivilo… ensin tener qu’ esperar un añu”

Y cuando, a lo llargo l’añu, dos de Santa Bárbara topense per Xixón, per
Uviéu o per onde sea… ¿Por qué será que siempre dicimos “¡¡Hasta El
Pote!! Ya hai ganes eh? y que nunca nos falte!!”?

Y ye que´l Pote ye mui grande… pa los de Santa Bárbara y pa los de
fuera. Por eso nun sé si dalgún día conseguiremos que lu declaren Fiesta
Nacional… pero yo más d’ una vez pensé que si El Pote ye l’emblema de
Santa Bárbara y esti Valle ye el pulmón del Municipiu… quizá más que
Samartín del Rei Aurelio había de llamáse Samartín sí… pero Samartín de
la Reina El Pote!!

Señor Alcalde, téngalo usté en cuenta y fáigame casu porque pa isti, pa isi,
pa aquel y pa’l utru… pa los d’ equí y pa los de fuera… isti Pote ye Relixón.

523