Page 522 - San martín del Rey Aurelio

OGC Óscar G. Carcedo
Empresario

¿SAMARTÍN DEL REI AURELIO o

SAMARTÍN DE… LA REINA EL POTE?

(Porque la Fiesta ‘L Pote ye relixón)
(Santa Bárbara)

Muncha ye la xente que me diz eso de “oye guaje… ¿tu d’ónde yes? Ye
que nun fales como los de Xixón”.

Y ye que claro yo siempre dixi que soi un “xixonés cuencátu” porque por
muncho que viva onde vivo, los mios oríxenes llévolos tan dientro que
nótaseme hasta na forma de falar.

-“Mio pá ye d´un pueblu de Mieres que ya llinda con Llangréu, La
Güeria “Santiso” (San Tirso) ¿conocéislu?”… -“Non, non, pero nun fales
de Mieres tampoco eh” Y… razón tienen porque esi tonu cantarín de la
zona mierense que teníen los mios güelos, y que mio pá ya perdió, a mi
enxamás se me pegó.

Qué sé yo… “¿Falaré como de Sotrondio entós oh?”… -“Meca pues sí,
esi tonu tuyu suena más a Sotrondio o Llaviana o p’ allá arriba… ¿qué
ye, to má de Sotrondio?” y… ehí vien lo guapo, cuando yo contesto
orgullosu: -“Non, nun ye de Sotrondio… ye de Santa Bárbara” respí-
gaseme ‘l pelleyu cuando al dicílo la xente contesta: “Meca, de Santa
Bárbara oh??… ¿Ónde la Fiesta ‘l Pote? ¡¡Qué fiestes más guapes, y el
Valle ye preciosu tamién”

Y ye que yo que peso tan poco… engordo venti kilos, si la xente de
fuera diz esto d’esti Valle y d’estes fiestes (que yo llevo tan dientro).
Si pa los de fuera ye guapo… ¡cuánto más guapo nun será pa los que
sentimos a Santa Bárbara y… a la Fiesta El Pote!

522